АТЫРАУ ОБЛЫСЫ БОЙЫНША ТЕКСЕРУ КОМИССИЯСЫ

Обычная версия

Жаңалықтар мұрағаты
18.10.2022

Атырау облысы бойынша тексеру комиссиясының кезекті отырысында Атырау облысының ауылдық округтеріне бөлінген бюджет қаражатының пайдаланылу тиімділігіне жүргізілген мемлекеттік аудиттің қорытындысы қаралды.

Аудиторлық іс-шарамен 23 аудит объектісі, оның ішінде Атырау қалалық 4 ауылдық округтері және Жылыой ауданы бойынша 4, Құрманғазы ауданы бойынша 10, Исатай ауданы бойынша 5 ауылдық округтер қамтылды.

Нәтижесімен жалпы сомасы 158 млн теңгенің бұзушылықтары анықталды. Оның ішінде қаржылық бұзушылықтар 91  млн теңге, бюджет қаражатын, активтерді тиімсіз пайдалану 18 млн теңге, бюджет қаражатын, активтерді тиімсіз жоспарлау 48 млн теңге. Оның қалпына келтіруге жататыны 87 млн теңге, өтелуге жататыны  4 млн теңге. Аудит барысында 33 млн теңге қалпына келтіріліп, бюджет есебіне 2 млн теңге өндірілді. Рәсімдік бұзушылықтардың жалпы саны 130 бірлікті құрады.

Бұзушылықтардың негізгі себептері мемлекеттік сатып алуда шарттардың орындалысының сақталмауы, бухгалтерлік есептің дұрыс жүргізілмеуі, сенімгерлік басқаруға берілген мүліктерге қатысты мәселелердің ҚР Бюджет кодексі, Мүлік туралы Заңы,  тағы да басқа заңнамалар талаптарын сақталмауынан, есеп қызметкерлерінің функционалдық міндеттерін тиісінше орындамауы, лауазымды тұлғалардың құзыреттілік деңгейінің жеткіліксіздігі, заңнама нормаларын сақтауына басшылықтың тиісті бақылауды қамтамасыз етпеуі болып табылады.

Тексеру комиссиясы отырысының қорытындысы бойынша аудитпен қамтылған мекемелердің  жұмысының тиімділігіне бағалау жүргізіліп, халықтың тұрмысын жақсартуда іс-шараларды ұйымдастыру, бюджеттің түсім көздерін ұлғайту, жұмыссыздарды кәсіпкерлікке тарту, коммуналдық мүлікті тиімді басқару мақсатында ұсынымдар мен анықталған бұзушылықтарды жою, бюджет және мемлекеттік сатып алу, бухгалтерлік есепті жүргізуге қатысты заңнама талаптарының сақталуын қамтамасыз етпеген лауазымды адамдардың жауаптылығын қарау бойынша шаралар қабылдау жөнінде тапсырмалар берілді.

Аудит нәтижесімен әкімшілік құқық бұзушылық белгілері бар материалдар әкімшілік іс жүргізуді қозғау үшін уәкілетті органға жолданды.

22.08.2022

2022 жылдың 22 тамызында Атырау облысы бойынша тексеру комиссиясының кезекті отырысында Атырау облысы Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің шоғырландырылған қаржылық есептілігіне жүргізілген мемлекеттік аудиттің қорытындысы қаралды. Мемлекеттік аудитпен «Атырау облысы Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі мен оған бағынысты 4 мемлекеттік мекемелер – «Атырау облысы Жұмыспен қамтуды үйлестіру және әлеуметтік бағдарламалар басқармасының «№1 арнаулы әлеуметтік қызметтер көрсету орталығы» коммуналдық мемлекеттік мекемесі (әрі қарай – №1 арнаулы әлеуметтік қызметтер көрсету орталығы), №2 арнаулы әлеуметтік қызметтер көрсету орталығы, №3 арнаулы әлеуметтік қызметтер көрсету орталығы және №4 арнаулы әлеуметтік қызметтер көрсету орталықтары қамтылды. Нәтижесімен шоғырландырылған қаржылық есептілік аудитінің іс-шаралары бойынша бұзушылықтардың жалпы сомасы 212 738,2 мың теңгені құрады. Оның ішінде қаржылық есептіліктің бұрмалануларының жалпы сомасы 187 981,7 мың теңгені құрады. Рәсімдік бұзушылықтардың саны 53 бірлік.

Анықталған бұзушылықтар Қазақстан Республикасының Бюджет кодексінің, «Бухгалтерлiк есеп пен қаржылық есептiлiк туралы» Заңының,  Қазақстан Республикасы Қаржы министрлігінің  бұйрықтарымен бекітілген «Мемлекеттік мекемелерде бухгалтерлік есепке алуды жүргізу қағидаларының», «Есеп саясатының» және  «Қаржылық есептілік нысандарын және оларды жасау мен ұсыну қағидаларының» талаптарын жеткілікті деңгейде басшылыққа алмаудан орын алған. Бұзушылықтардың негізгі себептері есеп қызметкерлерінің функционалдық міндеттерін тиісінше орындамауы, лауазымды тұлғалардың құзыреттілік деңгейінің жеткіліксіздігі, заңнама нормаларын сақтауына басшылықтың тиісті бақылауды қамтамасыз етпеуі болып табылады.

Тексеру комиссиясы отырысының қорытындысы бойынша аудитпен қамтылған мекемелерде анықталған бұзушылықтарды жою, бюджет және бухгалтерлік есепті жүргізуге қатысты заңнама талаптарының сақталуын қамтамасыз етпеген лауазымды адамдардың жауаптылығын қарау бойынша шаралар қабылдау жөнінде тапсырмалар мен ұсынымдар берілді.





19.08.2022

«Атырау облысы бойынша тексеру комиссиясы» ММ-сі, Атырау қаласы, М.Әуезов көшесі, 80 мекен-жайындағы ғимараттың 1-қабатында орналасқан мәжіліс залында, 2022 жылдың 22 тамызы сағ. 15:00-де «Атырау облысы Жұмыспен қамтуды үйлестіру және әлеуметтік бағдарламалар басқармасы» мемлекеттік мекемесінің шоғырландырылған қаржылық есептілігіне аудит жүргізу» аудиторлық іс-шарасының қорытындысы бойынша Тексеру комиссиясының отырысы өткізілетінін хабарлайды.

13.07.2022

2022 жылдың 7 шілдесінде облыс әкімдігінің 2 қабатының мәжіліс залында  Тексеру комиссиясымен өткен жылдардағы жергілікті бюджеттің жоспарлануына, атқарылуына, сондай-ақ, жергілікті бюджеттен қаржыландырылатын мемлекеттік мекемелермен салынатын айыппұлдар бойынша бюджетке түсетін түсімдердің толықтығына, мемлекеттік аудит объектілері қызметінің тиімділігіне жүргізілген аудиторлық іс-шарасы бойынша аудит объектілерінің лауазымды тұлғаларының және селекторлық режимде қала, аудан әкімдерінің қатысуымен тексеру комиссияссының төрағалығымен қорытынды отырыс өтті.

Отырыста аталған іс-шараға жауапты комиссия мүшесі А.Құмаровтың баяндамасы тыңдалды.

Аудиторлық іс-шарамен барлығы 13 объекті қамтылып, қорытындысымен 19,5 млрд теңгеге жуық бұзушылықтар анықталған. Оның ішінде, қаржылық бұзушылықтар сомасы 7 млн.теңге, тиімсіз пайдаланылған бюджет қаражатының сомасы 131,8 млн.теңге және тиімсіз жоспарланған бюджет қаражатының жалпы сомасы 19,1 млрд.теңгені құраған. Жіберіп алған пайда 370,5 млн.теңге. Сонымен қатар, рәсімдік сипаттағы бұзушылықтар саны 92 бірлік.

Мәселен, 2021 жылға Экономика басқармасы тарапынан нақтыланған жоспарға өзгерістер мен толықтырулар енгізуге мүмкіндіктері бола тұрса да, 206 109 коды бойынша түсімдер жоспарына өзгертулер енгізілмей, Бюджет Кодексінің «Негізділік принципі» сақталмай жасанды жолмен 8,8 млрд.теңге артық тиімсіз жоспарланғандығы белгілі болған.

Бюджеттік бағдарлама әкімшілерінің Атырау қалалық экономика бөліміне ұсынылған экономикалық қорытындыларды талдау барысында қажеттілкке байланысты мемлекеттік инвестициялық жобаны іске асыру тетігін басымдықпен таңдау негізділігі бойынша ақпараттар көрсетілмеген. Бұл алдағы уақытта басымдылығы жоғары өзге де проблемалардың елеусіз қалу қаупін тудырады.

Бюджеттік инвестициялық жобалардың іске асырылуына мониторинг жүргізу функциясы тиісті деңгейде жүзеге асырылмай, Атырау қалалық бюджеттік бағдарлама әкімшілерінің бюджеттік инвестициялық жобалардың бойынша орындалған жұмыстардың нақты және жоспарланған көлемі мен қаржы қаражатын игеру сомалары туралы ақпаратты тоқсан сайынғы негізде ұсынбағандығы анықталды.

Құрманғазы ауданында Ұлттық экономика министрінің Бюджеттік бағдарламаларды әзірлеу және бекіту қағидатының талабы сақталмай, бюджеттік бағдарлама әкімшілерінің 2021-2023 жылға және 2022-2024 жылға бюджеттік бағдарламаларының жобалары бөліммен, яғни ауданға қарасты ауылдық округтері тарапынан мүлдем келісу жұмыстары жасалмаған және Индер Исатай, Қызылқоға, Мақат, Махамбет аудандарында дәл осындай факті яғни бөліммен кейбір бөлімдер уақытылы келісуді қамтамасыз етілмеген.

Бюджетті нақтылау кезінде өткен жылы облыс бойынша бюджеттік бағдарлама әкімшілері тарапынан бірнеше инвестициялық жобалар бойынша бюджет қаражытын тиімсіз жоспарлау фактілеріне жие жол берілген.

Нәтижесінде кейбір жобалар аяқсыз қалған. Мәселен, тапсырыс беруші облыстың Энергетика басқарамасы болып табылатын «Құрманғазы ауданы Азғыр аймағынан елді мекендерін электрмен жабдықтау үшін «Ганюшкино – Асан» ЭЖ-110 кв жоғарғы кернеулі желісінің құрысылысына жобалық сметалық құжаттамаларды жасақтау» бойынша, Өңірлерді дамытудың 2020-2025 жылдарға арналған мемлекеттік бағдарламасында көзделген Шекара маңындағы ауылдық аумақтарды дамытудың орындалмау жағдайына жеткізілген және аталған жоба күні бүгінге дейін аяқталмаған яғни, бюджеттік бағдарламаның түпкілікті нәтижесіне қол жеткізілмеген.

Құрылыс басқармасында түрлі себептерге байланысты «Атырау қаласы Дамбы ауылдық округінде 300 орындық мектеп құрылысын салу» жобасы үшін берілген қаражат қысқартылып, күні бүгінге дейін аяқталмай балалардың білім алуына толықтай жағдай жасалған.

«Индер ауданы, Көктоғай ауылындағы 120 орындық Б.Нысанбаев атындағы орта мектепке жапсаржай құрылысын салу» жобасы бойынша монтаждау жұмыстарына рұқсатнама алу кезінде аталған жобаға кешенді ведомстводан тыс сараптаманың уақытының 3 жыл өтіп кетуіне байланысты жоба іске қосылмаған.

Құрылыс басқармасымен 086-015 бағдарламасынан 55,0 млн.теңгені құрайтын «Атырау қаласындағы 11 мектеп үшін асхана кеңейтімін аяқтау» жобасы бойынша жобалау сметалық құжаттамаларда техникалық қадағалау қызметі көзделмегендіктен жобаны іске асыру мүмкіндігі болмай Құрылыс басқармасы тарапынан бюджет қаржысы кері қайтарылған.

Сонымен қатар, «Исатай ауданы Аққыстау ауылында кәріз жүйелері мен имараттарының құрылысын салу» жобасы үшін берілген қаржы өткен жылы қараша айында бюджетті нақтылау кезінде жобаның аяқталмауына байланысты игерілмеу қаупі ескеріліп, 138,8 млн.теңге бюджет қаражаты қысқартыла отырып жобаның аяқталу мерзімі 2022 жылға ұзартылып, 416 млн.теңге бюджет қаражаты тиімсіз жоспарланған.

Ауыл шаруашылығы басқармасымен «Инвестициялар салынған жағдайда агроөнеркәсіптік кешен субъектісі көтерген шығыстардың бөліктерін өтеу» бюджеттік бағдарламасы бойынша республикалық трансферттер есебінен берілген 1,8 млрд.теңге игерілмей қаржы кері қайтарылған.

Кәсіпкерлік басқармасымен 09.12.2020 жылы 2021 жылға «Нәтижелі жұмыспен қамтуды және Еңбек мемлекеттік бағдарламасы шеңберінде кәсіпкерлікті дамытуға жәрдемдесу үшін бюджеттік кредиттер беру бағдарламасына 3,5 млрд.теңге бөлінген. Бөлінген бюджет қаражатының мақсаты азаматтарды кәсіпкерлікке тарту, яғни облыс бойынша азаматтардан жиналған өтінімдердің тізіміне сәйкес 252 кәсіпкерлік нысан құрылып, онда 134 жұмыс орны ашылу көзделген. Алайда, жыл ішінде, жоспарланған 3,5 млрд.теңгені объективті себептер болмасада қысқартып, Бюджет кодексінің «Нәтижелілік» қағидаты сақталмай тиімсіз жоспарлануға жол берілген.

Аудандарда бюджеттік өтінімдерді қарау кезінде бағалар мониторингісіне сәйкес бағаларға талдау жүргізбейтіндігі белгілі болды.

Мақат ауданы экономика және қаржы бөлімінде өзінің негізгі міндеті ауданның бюджетін жоспарлау жұмыстарын тиісінше ұйымдастыруды қамтамасыз етпеу салдарынан, Бюджет Кодексінің «Негізділік» принципі сақталмай, 2021 жылы бюджеттік бағдарлама әкімшілерінің балансында есепте тұрмайтын объектілерді күтіп-ұстауға 12,9 млн.теңге, 2022 жылы 5,8 млн.теңге бюджет қаражатын тиімсіз жоспарлауға жол берген.

Мемлекеттік сәулет-құрылысы бақылау басқармасы бойынша Тексеру комиссиясы Кірістер органдарымен алынған мәліметтерге талдау жүргізіліп, нәтижесінде жергілікті бюджетке түсуі қажет айыппұлдар басқа облыстардың бюджетіне түсіп кеткендігі анықталды.

Жиын соңында комиссия бір ауыздан аудит объектілеріне нақты тапсырмалар беру жөнінде шешім қабылдады.






10.07.2022

Атырау облысы бойынша тексеру комиссиясымен «2021-2022 жылдардағы жергілікті бюджеттің жоспарлануына және атқарылуына бюджет жүйесінің қағидаттарының сақталуын, сондай-ақ, 2019-2021 жылдардағы жергілікті бюджеттен қаржыландырылатын мемлекеттік мекемелермен алынатын өзге де айыппұлдар, өсімпұлдар, санкциялар бойынша жергілікті бюджетке түсетін түсімдердің, бюджетке түсетін түсімдерді алудың толықтығы мен уақтылығына, сондай-ақ жергілікті бюджеттен қате (артық) төленген соманы қайтаруға, есепке жазудың тиімділігіне, мемлекеттік аудит объектілері қызметінің тиімділігіне мемлекеттік аудит жүргізу» аудиторлық іс-шарасымен 13 объекті қамтылды. Атап айтқанда, Экономика және бюджеттік жоспарлау, Қаржы басқармасы, Атырау қаласының, аудандардың Экономика және қаржы бөлімдері, Мемлекеттік сәулет-құрылысы бақылау басқармасы және Мемлекеттік еңбек инспекциясы.

Аудит қорытындысымен 19 597 729,2 мың теңгенің бұзушылықтары анықталды. Оның ішінде қаржылық бұзушылықтар 7 088,2 мың теңге, тиімсіз пайдаланылған бюджет қаражатының сомасы 131 815,0 мың теңге және тиімсіз жоспарланған бюджет қаражатының сомасы 19 088 283,0 мың теңге. Жіберіп алған пайда 370 543,1 мың теңге. Сонымен қатар, рәсімдік бұзушылықтар саны 92 бірлік. Қаржылық бұзушылықтар ішінде өтелуге жататыны 7 088,2 мың теңге.

Түсімдердің ішінен жоспарлау жөніндегі жергілікті атқарушы органмен кірістер органдарының бірнеше нақтылаулар мен түзетулер енгізуге мүмкіндігі болсада, 2021 жылға жалпы сомасы 13 824 304,3 мың теңгеге салықтар, алымдар, міндетті төлемдер және бюджетті алып қоюлардан жоспар орындамаған.

Атырау қаласының әлеуметтік-экономикалық даму (Бұдан әрі – ӘЭД) қорытындыларын талдау және мониторинг жүргізу кезінде аудит объектісімен ӘЭД қорытындыларын талдау және мониторинг қорытындыларын орындаушы мен қолданушыға қолжетімділігін қамтамасыз ету мақсатында, ӘЭД көрсеткіштері тізімін бекіту және оларды енгізу тетіктерін оптимизациялау, яғни электронды жүйе енгізу қажет етіледі.

Сондай-ақ, қалалық ББӘ-нің инвестициялық ұсыныстарын қарау және олар бойынша қорытынды беру кезінде аудит ҚР Ұлттық экономика министрінің 05.12.2014 жылғы №129 бұйрығының 3-қосымшасының «Мемлекеттік инвестициялардың қажеттілігіне байланысты мемлекеттік инвестициялық жобаны іске асыру тетігін басымдықпен таңдау негізділігі» бойынша ақпараттар көрсетілмегендігі анықталды. Бұл аудит объектісі тарапынан басымдылығы жоғары өзге де проблемалардың елеусіз қалу қауіпіне жол берілгендігін көрсетті.

Бюджеттік инвестициялық жобалардың іске асырылуына мониторинг жүргізу кезінде аудит объектісімен БИЖ бойынша орындалған жұмыстардың нақты және жоспарланған көлемі мен қаржы қаражатын игеру сомалары туралы ақпаратты ББӘ тарапынан ұсынылуы қамтамасыз етілмеген.

Аудандардағы экономика және қаржы бөлімінде ҚР Ұлттық экономика министрінің 2014 жылғы 30 желтоқсандағы №195 «Бюджеттік бағдарламаларды (кіші бағдарламаларды) әзірлеу және бекіту (қайта бекіту) қағидаларын және олардың мазмұнына қойылатын талаптарды бекіту туралы» бұйрығының (бұдан әрі – №195 Бұйрық) талаптары сақталмай, ББӘ-нің 2021-2023 жылға және 2022-2024 жылға бюджеттік бағдарламаларының жобалары мемлекеттік жоспарлау жөніндегі жергілікті уәкілетті органымен, яғни ауданға қарасты ББӘ тарапынан аудит объектісімен келісу жұмыстарымен қамтамасыз етілмеген.

ББӘ тарапынан өзіне жүктелген функциялар мен өкілеттіктерін дұрыс үйлестіре алмауынан, жұмыс этапының жоспарлау жүйесі төмен деңгейде екенін көрсете отырып, нәтижесінде субъективті себептермен тауарлардың уақытылы жеткізілмеуінен, жасалған жұмыстың актілері болмауынан және келісім-шарт міндеттемелерінің мерзімі тығыз болуына байланысты бюджет қаражаты игерілмеген. Бюджет қаржысының жоспарлануы барысында ББӘ-мен аудит объектісі тарапынан немқұрайлылық танытылып, бюджеттік өтінімдер келіп түскен уақытта инвестициялық жобалардың ұзақтығы, алдыңғы қаржы жылындағы жоспардың игерілген көлемі және жобалардың құжаттамаларының сәйкестігіне толыққанды сараланбастан бюджет қаржысының тиімсіз жоспарлап, осының салдарынан көп жағдайда жыл соңында бюджет қаржысын қысқартуларға жол беріледі.

Жоспарлау процесімен айналысатын кадрлардың біліктілік деңгейі, оларда қаржылық жоспарды әзірлеу дағдыларының болуы және мақсаттарға, міндеттерге қол жеткізу үшін қажетті шараларды айқындау, жоспарлау жүйесінің табысты жұмыс істеуіне және нәтижеге бағдарланған бюджеттеудің негізгі қағидаттарын қолдануға ықпал ететін аса маңызды факторлардың бірі болып табылады. Осы бағыттағы негізгі проблемалардың бірі сабақтастықтың болмауы.

Сонымен қатар, ББӘ тарапынан жыл басында белгілі бір жобаларды жүзеге асыру үшін бөлінген бюджет қаражаттарын, жыл соңында игерілмеген қаражат бойынша жауапкершіліктен құтылу мақсатында, мердігерлермен жасақталған келісім шартты екі жақты келісім бойынша немесе бір жақты бұзып, бюджеттік нақтылау кезінде нақты себептерін көрсетпестен қысқартуға ұсыныс беру тұрақты үрдіске айналған.

Осының салдары бюджеттің тиімсіз жоспарлануына және пайдалануына әкеліп соққан. Нәтижесінде 19 088 283,0 мың теңге бюджет қаражаты тиімсіз жоспарланғандығы, 128 800,0 мың теңге тиімсіз пайдаланылғаны анықталды. Бюджет қаражатының тиімсіз жоспарлау немесе пайдалану дегеніміз бұл түпкілікті нәтижелердің орындалмау жағдайының бірден-бір факторы болып табылады. Осылардың салдарынан облыс бойынша 17 жоба аяқсыз қалған.

Бюджет қаражатын жоспарлау барысында жергілікті бюджетті жоспарлауға уәкілетті орган тарапынан бюджеттік өтінімдер толық сараланбаған. Себебі, инвестициялық жобаларға бюджет қаражатын жоспарлаған кезде жобалық сметалық құжаттамаларының уақыты өтіп кетуінен және жобалық сметаларда техникалық қадағалаушылардың көзделмеуінен секілді жағдайлар орын алған.

Анықталған көптеген бұзушылықтар тиісті қаржы жылындағы бюджетті жоспарлау барысында келіп түскен бюджеттік өтінімдердің талданбауынан туындаған. Себебі, бюджет қаражаттарын жоспарлау және қысқарту кезінде басты себептер мен негіздемелер көрсетілместен негізсіз қысқартуларға жол берілген.

Жоғарыда аталған бұзушылықтарды саралайтын болсақ аудит объектісі тарапынан Атырау облысы әкімдігінің 30.10.2018 жылғы №270 қаулысымен бекітілген Ереженің 14-тармағының 42-тармақшасындағы облыстық бюджетті әзірлеу кезінде облыстық бюджеттік бағдарламалар әкімшілерінің бюджеттік өтінімдерін қарайды, талдайды және қорытынды әзірлеу функциясы толыққанды жүзеге асырылмағандығын көрсетті. Облыс бойынша ББӘ өздеріне жүктелген міндеттерді дұрыс үйлестіре алмауынан халықтың сұраныстарын толықтай қанағаттандырмаған.

Сондай-ақ, ББӘ тарапынан бағдарламалық мақсаттарға қол жеткізу үшін мердігер қызметін келісім шартта белгіленген мерзімде жүргізуін қатаң бақылауда ұстау қажеттігін көрсетті.Коммуналдық меншік бойынша Қаржы басқармасының коммуналдық шарушылық жүргізу бөлімдері өздеріне жүктелген функцияларды және қадағалауды толыққанды жүзеге асырылмауынан туындаған. Осының салдары коммуналдық меншіктердің тиімді басқарылуына, бюджет есебіне түсетін қаржылардың уақытылы аударылуына өз әсерін тигізген.

Қала және Мақат аудандық қаржы бөлімдерінде Мемлекеттік мүлік туралы Заңның 6-бабының «Мемлекеттік мүлікті басқару принциптері» яғни, Мемлекеттік мүлікті басқару: 4) тармақшасына сәйкес «мемлекеттік мүлікті қоғам игілігі үшін тиімді пайдалану» принципін сақталмай, ғимараттар жергілікті атқарушы органдардың мәселені шешу жолын таппауынан күні бүгінге дейін қолданылмай тұрған. Әкімшілік құқық бұзушылықтар бойынша айыппұлдардың жергілікті бюджетке уақытылы және толық өндірілуі және өндірілу бойынша алынған шаралар бағытында аудит объектілерінде басқармамен құқығы тиісінше пайдаланылмаған тұлғаларға қатысты әкімшілік құқық бұзушылық туралы істі жалпы тәртіппен жүзеге асырмау фактісі, тұлғалармен қате төленген айыппұл сомаларын тиісті бюджетке уақытылы есепке жатқызуды асырмау фактісі және айыппұл сомасын төлеуден жалтарып жүрген тұлғаларға тиісті шараларды қабылдамау фактісі орын алды.

Басқармамен қозғалған істердің қызметкерлерге келетін үлесіне талдау жүргізсек, әкімшілік құқық бұзушылық туралы хаттама толтырған лауазымды тұлғаға, «Әкімшілік құқық бұзушылықтар туралы іс бойынша қысқартылған іс жүргізу тәртібінде әкімшілік айыппұл төлеу туралы» түбіртегін және «Әкімшілік құқық бұзушылықтар туралы іс бойынша қысқартылған іс жүргізу тәртібінде әкімшілік айыппұл төлеу туралы» түбіртектің түбірін толтырған лауазымды тұлғаға және әкiмшiлiк жаза қолдану туралы қаулы шығарған лауазымды тұлғаға, осы қаулыны, нұсқаманы орындауға байланысты мәселелердi шешу және оның орындалуын бақылауға ешқандай кедергі келмейтінін атап өтуге болады.

Аудит барысында анықталған бұзушылықтар мен кемшіліктер Бюджет Кодексінің, РҚ ӘҚБтК-нің, Салық Кодексінің талаптарын жеткілікті деңгейде басшылыққа алмаудан және жүйелі түрде бақылауға алмағандықтан орын алғандығын байқауға болады.





30.06.2022

2022 жылдың 30 маусымында Атырау облысы бойынша тексеру комиссиясы жанындағы Консультативтік кеңестің 4-ші отырысы көшпелі болып Махамбет селосында өткізілді.

Кеңестің отырысында Махамбет ауданындағы ауылдық округтерге бөлінген бюджет қаражатының жұмсалуына жүргізілген аудиторлық шараның қорытындысымен берілген ұсыныстар талқыланды.

Ондағы басты мәселе ауылдағы жұмыссыздар санын азайту мақсатында тұрғындарды кәсіпкерліктің негіздеріне оқыту; мектепке дейінгі балаларды толыққанды бала-бақша орындарымен қамтамасыз ету іс-шараларын үйымдастыру; инженерлік инфрақұрылыммен қамтамасыз ете отырып, жеке тұрғын үй құрылысына жер кезегін бөлуді реттеу; ауданаралық қоғамдық автокөлікпен қамтамасыз ету.

Осы аталған ұсыныстар округ әкімдері тарапынан толық шешімін таппағандықтан, кеңестің отырысына екінші рет енгізіліп отыр.

Отырыс соңында жоғарыда ұсынылған мәселелер талқыланып, Кеңес мүшелері Тексеру комиссиясының мемлекеттік аудитпен анықталған бұзушылықтар мен кемшіліктерді жою жөнінде шаралар қабылдау үшін мемлекеттік аудит объектілерінің басшыларына берілген жоғарыдағы ұсыныстарының толықтай орындалмайынша бақылауда болып, кеңес отырысына шығарылып отыратындығы және бұл ауыл әкімдерінің жұмысының тиімділігін көтеру арқылы, сол жергілікті тұрғындардың әл-ауқатын көтеру үшін жасалып отырғандығы аталып өтті.

Сонымен қатар, аталған Консультативтік кеңестің келесі отырысы Атырау қаласында жалғасын тауып, онда Атырау облысының денсаулық сақтау саласына жүргізілген аудитпен анықталған кемшіліктер талқыланды.

Отырысқа Атырау облыстық медициналық жедел жәрдем станциясының қызметін үздіксіз қамтамасыз ету үшін «Адис» немесе «Көмек 103» ақпараттық жүйесі мен «Damumed» ақпараттық жүйесінің өңір бойынша өкілдерін оффлайн режимде, ал Нұр-Сұлтан қаласындағы өкілдерін «ZOOM» платформасы арқылы қатысты.

Кеңес отырысында «Damumed» ақпараттық жүйесінің жасақтаушыларымен тұрғындардың пікір қалдыру тетіктерін жетілдіру мақсатында науқаспен қалдырылған пікірге дәрігердің кері байланыс орнату мүмкіншілігі бар екендігі аталып өтіп, нәтижесінде «Damumed» ақпараттық жүйесі одан әрі жетілдірілетіндігі баяндалып, сонымен қатар, кадрмен қамтамасыз ету, еңбекақы төлеудің жаңа жүйесін қалыптастыру, құрал-жабдықтар және дәрі-дәрмекті пайдалану және есебін жүргізу электрондық жүйесін енгізу мәселелері талқыланды.

Отырыс соңында жоғарыда ұсынылған мәселелер талқыланып, Кеңес мүшелері Тексеру комиссиясының төрағасына мемлекеттік аудитпен анықталған бұзушылықтар мен кемшіліктерді жою жөнінде шаралар қабылдау үшін мемлекеттік аудит объектілерінің басшыларына бірнеше ұсыныстар енгізілді.







 

11.05.2022

2022 жылдың 11 мамырында Атырау облысы бойынша тексеру комиссиясы жанындағы Консультативтік кеңестің 3-ші отырысы өткізілді.

Кеңестің отырысында Махамбет ауданындағы ауылдық округтерге бөлінген бюджет қаражатының жұмсалуына жүргізілген аудиторлық шараның қорытындысымен берілген ұсыныстар талқыланды.

Ондағы басты мәселе ауылдағы жұмыссыздар санын азайту мақсатында жұмыссыздарды кәсіпкерліктің негіздеріне оқыту; мектепке дейінгі балаларды толыққанды бала-бақша орындарымен қамтамасыз ету іс-шараларын үйымдастыру; коммуникациялық инфрақұрылыммен қамтамасыз ете отырып, жеке тұрғын үй құрылысына жер кезегін бөлуді реттеу; ауданаралық қоғамдық автокөлікпен қамтамасыз ету.

Осы аталған ұсыныстар округ әкімдері тарапынан толық шешімін таппаған.

Екінші талқыланған мәселе Мәдениет саласына бөлінген бюджет қаражатының пайдалануына жүргізілген аудиторлық шараның қорытындысымен берілген ұсыныстар.

Мәдени іс-шараларды жоспарлау барысында баға салыстыру шараларын, маңыздылығы, өзектілігі және шығындар сметасының анықтығын, негізділігін қамтамасыз ету; мәдени іс-шаралардың жылдың жоспарын бекітуде көркемдік кеңеспен талқылануын қамтамасыз ету; жоспардан тыс мәдени іс-шараларды өткізуге жол бермеу.

Жоғарыда аталған ұсыныстар аудит объектілері басшылары тарапынан толық орындалмай отыр.

Махамбет ауданы және Мәдениет саласында анықталған қаржы бұзушылықтар мен кемшіліктер туралы аудиторлық іс-шаралардың орындалысы жөнінде аудиторлық іс-шараға жауапты комиссия мүшелерінің баяндамалары мен аудит объектісі басшыларының есебі тыңдалды.

Жиынға Кеңес мүшелері, мемлекеттік аудит объектілерінің, уәкілетті мемлекеттік органдардың өкілдері қатысып, Кеңес мүшелері аудит объектілері басшылығына бірнеше сұрақтар қойып жауаптар алынды.

Отырыс соңында жоғарыда ұсынылған мәселелер талқыланып, Кеңес мүшелері Тексеру комиссиясының төрағасына мемлекеттік аудитпен анықталған бұзушылықтар мен кемшіліктерді жою жөнінде шаралар қабылдау үшін мемлекеттік аудит объектілерінің басшыларына бірнеше ұсыныстар енгізді.




05.05.2022

Атырау облысы бойынша тексеру комиссиясының кезекті отырысында Ішкі саясатты іске асыруға және Қазақстан халқы Ассамблеясына, жастар саясатына бөлінген бюджет қаражатының пайдалануына мемлекеттік аудит жүргізу іс-шарасы бойынша аудиторлық  қорытындысы қаралды.

Аталған іс-шара негізінде «Атырау облысы Ішкі саясат басқармасы»  мемлекеттік мекемесі, «Атырау облысы Ішкі саясат басқармасының Азаматтық орталығы»  коммуналдық мемлекеттік мекемесі, Атырау облысы Ішкі саясат басқармасының «Қоғамдық келісім» коммуналдық мемлекеттік мекемесі, Атырау облысы Ішкі саясат басқармасының «Атырау қаласының Жастар ресурстық орталығы» коммуналдық мемлекеттік мекемесі аудитпен қамтылды.

Аудиторлық іс-шара нәтижесімен 213 138,5 мың теңгенің бұзушылықтары, оның ішінде қаржылық бұзушылықтар 17 064,8 мың теңге, тиімсіз жоспарланған бюджет қаражаты 101 236,0 мың теңге, тиімсіз пайдаланылған бюджет қаражаты 94 837,7 мың теңге, рәсімдік сипаттағы бұзушылықтар саны 29 бірлік.

Ішкі саяат басқармасымен әлеуметтік зерттеулер 11 982,5 мың теңге  жүргізілген. Алайда, әлеуметтік зерттеулерді жүзеге асыру жұмыстарын тиісті деңгейде жүргізбей, бюджет қаражаты тиімсіз жұмсалған.

Мәселен, әлеуметтік зерттеу қорытындысымен тиісті облыстық басқармалар мен қала және аудан әкімдіктеріне берілген ұсыныстардың орындалысы Ішкі саясат басқармасымен қадағаланбай, орындалу жұмыстары жалғасын таппаған.

Сондай-ақ, Әлеуметтік жобалар жоспарланғанда маңыздылығын, өзектілігін айқындау мақсатында Кеңеске шығарылып талқыланбаған, әлеуметтік тапсырыс шеңберінде көрсетілген қызметтерге жобалардың тиісті топқа әсер ету дәрежесі анықталмаған, іс-шараларға қатысушылармен кері байланыс ретінде сауалнамалар жүргізілмеген.

Ішкі саясат басқармасымен жобалардың іске асырылуын әлеуметтік желілерде тарату қолға алынбаған.

«Жасыл ел» жалпы ұлттық жобасын іске асыру бойынша маусымдық жұмыстарға жастарды тарту арқылы көгалдандыру, абаттандыру және құрылыс бағыттарында жұмыстар жүргізілген. Алайда, аталған бағыттар бойынша (қандай мекемелерді, көшелерді, саябақтарды т.б. тазалық жұмыстары жүргізілетін жерлер белгіленбеген) нақты жұмыс кестесі бекітілмеген, уәкілетті органдармен келісілмеген.

Жергілікті басылымдарда жоспарланған тақырыптар мағынасына, өзектілігіне қарай жүйеленбеген, БАҚ арқылы жарияланатын ақпараттардың тақырыптары ешбір комиссияның келісімінсіз, талқыланусыз жоспарланған яғни, тақырыптардың өңір тұрғындары үшін өзектілігі айқындалмаған.

Қазіргі таңда облыс бойынша штабтан тыс 57 волонтерлік ұйыммен (Атырау қаласында-30, аудандарда-27) 1000-ға жуық волонтер қызмет атқарады, бірақ олардың еңбегін бағалау бойынша көтермелеу шаралары жүргізілмеген.

Жастар ресурстық орталығының штатында 20 маман бола тұрса да, жылдық жоспарда көзделген имидждік іс-шаралар Үкіметтік емес ұйымдарын тартуымен өткізілген.

Бюджет кодексінің, Бюджеттік бағдарламаларды әзірлеу, бекіту қағидаларының талаптары бұзыла отырып, басқарманың ведомстволық бағынысындағы мекеме болып табылмайтын «Қазақстан» РТРК» АҚ-ның Атырау облыстық филиалына құрал-жабдықтар сатып алу үшін 101 236,0 мың теңге көлемінде бюджет қаражаты тиімсіз жоспарланып, соның ішінде 77 370,8 мың теңге бюджет қаражаты тиімсіз жұмсалып, құрал-жабдықтар 2019 жылдан бері пайдаланусыз тұрғаны анықталды.

Сондай-ақ, құны 11 999,0 мың  теңгенің мекемеге бекітілген лимиттен артық автокөлігін негізсіз пайдаланғаны және «Атырау Ақпарат» ЖШС-мен жергілікті басылымдарда жарық көрген мақалалардың көлемі асыра есептеліп, орындалмаған жұмысқа барлығы 4 355,8 мың теңге негізсіз қаражат төленген.

Бюджет Кодексінің және Мемлекеттік мүлік туралы Заңның «мемлекеттік мүлікті қоғам игілігі үшін тиімді пайдалану» принципі сақталмай, Жастар ресурстық орталығына 2005 жылы қолданысқа берілген Алмагүль ықшам ауданында орналасқан құны 52 955,0 мың теңгені құрайтын ғимарат осы күнге дейін пайдаланусыз тұрғандығы анықталды.

Бұдан бөлек, аудитпен қамтылған объектілерде еңбекақы, сыйақы, жәрдемақы есептеп төлеуде және iссапар шығындары бойынша заңнама талаптары сақталмай қызметкерлерге 457,5 мың теңге бюджет қаражатын артық төлеу бұзушылықтары анықталды.

Жастар ресурстық орталығымен 2017 жылдан қызметтік автокөліктің жарамсыз күйде тұрғанына қарамастан, 252,5 мың теңгенің беріліс қорабын сатып алған, қандай мақсатпен алынғаны белгісіз.

Азаматтық орталығымен функционалдық міндеттерді жасанды түрде қайталау және қажеттілігі төмен штаттық орындарды ұстау фактілері анықталып, аудандарында  7 штаттық орын үшін еңбекақы шығындарына 3 жыл ішінде 17 146,5 мың теңге бюджет қаражаты тиімсіз жұмсалған.

Сондай-ақ, Азаматтық орталығымен мемлекеттік тапсырыспен іске асырылған жобалардың ешқандай нәтижесі болмай, 1200,0 мың теңге бюджет қаражаты тиімсіз жұмсалған.

Себебі, жоба бойынша көп балалы және әлеуметтік осал топтарға жататын аналарға кәсіптік бағдар беру, шағын кәсіпкерлікьің негіздеріне үйрету көзделген.

Алайда, аталған жобадан алатын түпкілікті нәтиже және аталған дағдылар бойынша жобаға қатысушылармен кәсіп ашу жолдарының бағыттары қарастырылмаған.

Семинар мен тренинг жүргізу, ҮЕҰ-ға ақпараттық-консультациялық көмек көрсету аудит объектісінің негізгі мақсаттарының бірі.

Алайда, семинар мен тренинг жүргізуге қажетті ақпараттар онлайн форматта ақысыз қолжетімді бола тұра, 4 мердігермен 6440,2 мың теңге ақылы қызмет көрсетіліп, бюджет қаражаты тиімсіз жұмсалған.

Аталған жағдай Қоғамдық келісімде де орын алып, жалпы сомасы 4883,4 мың теңге бюджет қаражаты тиімсіз жұмсалған.

Әкімшілік істерді қарауға уәкілетті органдарға 8 бұзушылық фактілері бойынша материал жіберілді.

Отырыс қорытындысымен аудит обьектілерінде қызметін жетілдіру, жүйелеу бойынша  ұсынымдар беріліп, анықталған бұзушылықтар мен кемшіліктерді жою жөніндегі іс-шаралар жоспарын әзірлеп, Тексеру комиссиясымен келісуге  тапсырма берілді.


04.05.2022

2022 жылдың 04 мамырында Тексеру комиссиясында Атырау облысының Денсаулық сақтау саласына бөлінген бюджет қаражатының пайдалануына жүргізілген аудит қорытындысының отырысы өтті.

Мемлекеттік аудит тиімділік және мәнділік көрсеткіштері бойынша жүзеге асырылды.

Аудиторлық іс-шарамен қамтылған 10 объектілер бойынша 458,4 млн. теңгенің бұзушылығы анықталды. Оның ішінде қаржылық бұзушылық 57,9 млн. теңге, тиімсіз жоспарланған бюджет қаражаты 315,6 млн. теңге және тиімсіз пайдаланылған бюджет қаражаты 84,8 млн. теңге. Рәсімдік бұзушылықтар саны 84 бірлік.

Басқармамен Денсаулық сақтау министрінің 2020 жылғы «Денсаулық сақтау ұйымдарын медициналық бұйымдармен жарақтандырудың ең төмен стандарты негізінде Денсаулық сақтау ұйымдарын медициналық бұйымдармен жарақтандыруға нақты талдау, мониторинг жүргізілмегені анықталды.

Мәселен, аудит барысында басқармаға қарасты кәсіпорындарды жарақтандырудың ең төменгі стандартына сәйкес іріктеу әдісімен талдау барысында 66 бірлік негізгі (лазерлік терапия аппараты, криохирургилық аппарат, рентгендік диагностикалық аппарат, УВЧ терапиясына арналған құрылғы және гинекологиялық кресло) медициналық бұйымдардың қажеттілігі бар екендігі байқалды.

Кадр тапшылығы бөлігіндегі проблемалар және оны төмендету бойынша қабылданып жатқан шаралардың жеткілікті еместігі байқалды.

Бүгінге күнге Басқарманың есебі бойынша Атырау облысының Денсаулық сақтау саласында 201 бірлікке дәрігер тапшылығы орын алып отыр. Соңғы үш жылда кадрлармен қамтамасыз етілу көрсеткіші төмендеу үрдісіне ие.

Өңірде негізінен анестизиолог-реаниматолог, жалпы тәжірибелі дәрігер, акушер-гинеколог, инфекционист дәрігерлерінің тапшы екендігі анықталды. Осылайша, 2019-2021 жылдары бөлінген 402 085,0 мың теңге бюджет қаражаты кадр тапшылығын азайтуға ықпал етпеді.

Дәрігерлердің қабылдау кестесі мен «Damumed» АЖ-ден алынған мәліметтерге талдау жүргізу барысында бір қызметкердің бір уақытта бірнеше медициналық ұйымдарда қабылдау жүргізгені белгілі болды. Яғни науқастарды қабылдау уақыты формальды толтырылған. Осылайша, Басқарма мен медициналық ұйымдардың басшылары тарапынан бақылау мен мониторингтің болмауын көрсетеді.

Бұдан бөлек, «Damumed» АЖ-де көрсетілген қызметтерге талдау жүргізу барысында іс жүзінде көрсетілмеген қызметтерді негізсіз енгізулер орын алған.

Аудит барысында медицина ұйымдарының қызметкерлері арасында жүргізілген сауалнама нәтижесімен, медицина қызметкерлерінің арасында еңбекақыға көңілі толмайтындығы анықталды.

Бұл медициналық көмек сапасының (көрсетеілетін қызмет сапасы) төмендеуіне себеп болып табылады.

Дәрігерлер жұмысының сапасы мен тиімділігіне қарай қолданыстағы еңбекақы есептеу жүйесін нақты көрсетілген қызметінің көлеміне негізделген еңбекақы есептеу жүйесіне көшіруді қарастыруды ұсынды.

Сонымен қатар, сауалнама нәтижесімен тұрғындардың басым көпшілігі жеке (частный) медициналық орталықтардың қызметіне жүгінетіндігі байқалды.

Яғни, мемлекеттік денсаулық сақтау ұйымдарында мамандардың, медициналық бұйымдардың болмауы себебінен емделушілер медициналық қызметті ақылы алуға мәжбүр.

Басқарма жергілікті жерде денсаулық сақтау саласындағы мемлекеттік саясатты іске асырып отырғанымен өңірдегі жеке медициналық орталықтар, олардың халыққа қызмет көрсетуі туралы мониторинг, талдау жүргізбейді. Осылайша, Халық денсаулығы Кодексінің талабы бұзылған.

Осы орайда, халықтың тегін медициналық көмектің кепілдік берілген көлеміне шын мәнінде қол жеткізу үшін пациенттерді қалаған медициналық ұйымдарда тегін медициналық көмек көрсетуді Басқарма қолға алу керек.

Ауылдық жерге жұмысқа жiберiлген медицина және фармацевтика қызметкерлерiне мониторинг жүргізілмейді. Осылайша Басқарма мен кәсіпорындар тарапынан ауылдық жерге жіберілген қызметкерлер жұмыстан өз еркімен босатылса да, әлеуметтік қолдауға 2019,2021 жылдары берілген 3,0 млн. теңге (бір жолғы төлем) бюджет кірісіне қайтарылмаған.

Халық денсаулығы Кодексінің талаптары бұзылып, Басқарманың медициналық көмекті ұйымдастыру және лицензиялау бөлімі тарапынан денсаулық сақтау субъектілерінің қызметіне, яғни медициналық ұйымдарға берілген дәрілік заттардың есепке алынуына, оны науқастарға қамтамасыз етілуі және тиімді пайдалануына мониторинг жүргізілмеген.

Басқарма дәрілік заттарды сатып алуға 2020 жылға бюджеттік өтінімді жасақтау барысында алдыңғы жылдан қалдық болса да назарға алмай 139,3 млн. теңге бюджет қаражаты тиімсіз жоспарланған.

Осыған ұқсас, 2021 жылы костюм сатып алуда 84,9 млн. теңге бюджет қаражаты тиімсіз жоспарлауға жол берілген.

Сатып алынған медициналық бұйымдардың бағаларына талдау жүргізу барысында №3 емхана тарапынан 19,1 млн. теңгеге бұйымдарды нарықтық бағадан жоғары сатып алған.

Сонымен қатар, №3 қалалық емханада 902,2 мың теңгеге (принтер, таразы) сатып алынған медициналық бұйымдар қолданылмай тұрғандығы белгілі болды.

Тексеру комиссиясымен бюджеттiк есептiлiктi жасау, ұсыну қағидаларын бұзу бойынша сотқа 2 әкімшілік іс құжаттары жолданды.

Отырыс қорытындысы бойынша қаржылық тәртіптің сақталуын күшейту мақсатында шаралар қабылдау, заңнама талаптарының сақталуын қамтамасыз етпеген лауазымды тұлғалардың жауапкершілігін қарау бойынша тапсырмалар берілді.

Сонымен қатар, Басқарма мен қарасты ұйымдарға қызметінің тиімділігін арттыру мақсатында келесі ұсынымдар берілді:

– Өңірде кадр тапшылығын болдырмау мақсатында нақты шаралар қабылдау;

– «Damumed» АЖ-де бір уақытта дәрігерлердің бірнеше денсаулық сақтау ұйымдарында қызмет көрсетуін болдырмау бойынша мониторинг жүргізу, қорытындысы бойынша шаралар қабылдау;

– «Damumed» АЖ-ін дәрігерлер мен орта буын қызметкерлерінің қолдануын қамтамасыз ету жұмыстарын жүргізу және қалдырылған пікір мен ескертпелерге талдау жүргізіп, шаралар қабылдау;

– Медициналық көмектің қай түрінің ақылы және қай түрінің кепілдік берілген көмекке жататындығы туралы тұрғындарға түсіндіру жұмыстарын ұйымдастыру;

– Ауруханалар мен емханалардағы дәрі-дәрмектің қолданылуының электрондық есебін жүргізетін ақпараттық жүйе енгізу;

– Емдеу мекемелерінде науқастармен (пациенттер) кері байланыс (обратная связь) орнату, ақпаратты электрондық жүйе арқылы енгізіп, ұсыныстардың қорытындысымен көрсетілетін қызметтердің сапасын жақсартуға шаралар қабылдау;

– Қолданыстағы еңбекақы есептеу жүйесін нақты көрсетілген қызметінің көлеміне негізделген еңбекақы есептеу жүйесіне көшіруді қарастыру;

-Мемлекеттік денсаулық сақтау ұйымдарында тегін медициналық көмек шеңберінде қажетті дәрігер немесе медициналық бұйым болмаған жағдайда, сол қызметтерді орындауды қосалқы мердігерге беру тәжірибесін (жандандыру) енгізу.

Атырау облысы бойынша тексеру комиссиясы


03.05.2022

04 мамыр 2022 жылы сағат 10.00-де «Атырау облысында Денсаулық сақтау саласын дамытуға арналған мемлекеттік бағдарламасының іске асырылуы, сондай-ақ Денсаулық сақтау басқармасы мен бағынысты квазимемлекеттік сектор субъектілеріне бөлінген бюджет қаражатының пайдалануына мемлекеттік аудит жүргізу» аудиторлық іс-шарасының қорытынды отырысы өткізіледі.