Атырау облысы бойынша тексеру комиссиясының ұжымы қаладағы Жайық өзенінің жағалауындағы қоқыстарды тазалау жұмыстарына қатысты. Қоршаған ортаның тазалығына жауапкершілікпен қарау – әрбір азаматтың басты міндеті.
Облыс көлемінде жүргізіліп жатқан қызу тазалық жұмыстарына Тексеру комиссиясы қызметкерлері де бір кісідей атсалысып, тазалық жұмыстарын қарқынды жүргізіп, өз үлестерін қосты.
Бұл шара тұрғындардың табиғатқа деген жақсы қарым-қатынасын қалыптастыруға және қаланың санитарлық жағдайын жақсартуға бағытталды.
